শিৱসাগৰত হস্তনিৰ্মিত মাস্ক বিপনীৰ উদ্বোধন জিলা উপায়ুক্তৰ

ডিজিটেল ডেস্ক, বিতৰ্ক, ৩০ এপ্ৰিল, শিৱসাগৰ :: অসম ৰাজ্যিক গ্ৰামীণ জীৱিকা অভিযানৰ অন্তৰ্গত মহিলা আত্মসহায়ক গোটৰ দ্বাৰা ক’ৰনা ভাইৰাছ প্ৰতিৰোধৰ উদ্দেশ্যে প্ৰস্তুত কৰি উলিওৱা মাস্কৰ এখন বিপনী আজি শিৱসাগৰ জিলা উপায়ুক্ত লক্ষ্মীনন্দন গগৈয়ে মুকলি কৰে। বিপনীখন মুকলি কৰি জিলা উপায়ুক্ত গৰাকীয়ে কয় যে, বৰ্তমান সময়ত মাস্ক পৰিধান কৰাটো দৈনন্দিন জীৱন প্ৰণালীৰ এক অংশহৈ পৰিছে। মহিলা গোট সমূহে এনে মাক্সৰ  প্রচুৰ যোগান ধৰিব পাৰিব। ইয়াৰ বাবে প্ৰয়োজন হোৱা বিপনী সহজ কৰি তুলিবৰ বাবে শিৱসাগৰ জিলা প্ৰশাসনে এই বিক্ৰী কেন্দ্ৰ সাধাৰণ ৰাইজৰ বাবে মুকলি কৰিছে।

অসম ৰাজ্যিক গ্ৰামীণ জীৱিকা অভিযানৰ অধীনস্থ শিৱসাগৰ জিলা প্ৰকল্প প্ৰবন্ধন গোটৰ তত্ত্বাৱধানত, ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠান, জয়সাগৰ কেন্দ্ৰৰ সহযোগত তথা জিলাখনৰ পাঁচটা উন্নয়ন খণ্ডকে সামৰি আয়োজন কৰা এই বিপনী অসম ৰাজ্যিক গ্ৰামীণ জীৱিকা অভিযান, শিৱসাগৰৰ কাৰ্যালয় প্ৰাঙ্গনত ৰাইজৰ বাবে উপলব্ধ থাকিব। বিপনীখনৰ উদ্বোধনী অনুষ্ঠানত জিলা পৰিষদৰ মুখ্য কাৰ্যবাহী বিষয়া শেৱালি বৰদলৈ, এছ. আই. আৰ. ডি. -ৰ অধ্যক্ষ নেকিব শইকীয়া, জিলা পশুপালন বিষয়া ডাঃ অক্ষয়ভট কেচাৰীকে আদি কৰি বিভিন্ন চৰকাৰী বিভাগৰ বিষয়াসকল উপস্থিত থাকে।

Leave a Reply

Your email address will not be published. Required fields are marked *