অখিল গগৈক মুকলি কৰি দিয়াৰ দাবীৰে মুখ্য মন্ত্ৰীলৈ বিৰোধী দলপতিৰ স্মাৰক পত্ৰ

ডিজিটেল ডেস্ক, বিতৰ্ক, ২১ এপ্ৰিল, শিৱসাগৰ :: কৃষক মুক্তি সংগ্ৰাম সমিতিৰ নেতা অখিল গগৈৰ মুক্তিৰ দাবী জনাই  মুখ্যমন্ত্ৰী সৰ্বানন্দ সোণোৱাললৈ এখন স্মাৰক পত্ৰ প্ৰেৰণ কৰিছে বিৰোধী দলপতি দেৱব্ৰত শইকীয়াই। স্মাৰক পত্ৰখনত শইকীয়াই কয়, “কোভিদ-১৯ এ সৃষ্টি কৰা পৰিস্থিতিৰ পৰিপ্ৰেক্ষিতত উচ্চতম ন্যায়ালয়ে নিৰ্দেশনা জাৰি কৰি কৈছিল যে যিমান পাৰি আচামীক জামিন দি মুক্তি দিব লাগে তথা যিসকল দোষী বুলি ঘোষণা হোৱা কয়দী আছে তেওঁলোক parole পদ্ধতিৰে মুকলি কৰি দিব লাগে। অসম চৰকাৰেও ইতিমধ্যে ৭২২ জন আচামীক মুক্তি দিছে’।

শইকীয়াৰ মতে “অখিল গগৈৰ ক্ষেত্ৰত অসম চৰকাৰে বিপৰীত স্থিতি লোৱাটো অত্যন্ত দুৰ্ভাগ্যজনক। অখিল গগৈক পূৰ্বেও বিভিন্ন গোচৰত গ্ৰেপ্তাৰ কৰিছিল যদিও চৰকাৰে তেওঁৰ বিৰুদ্ধে কোনো প্ৰমাণ আদালতৰ মজিয়াত দাখিল কৰিব নোৱাৰিলে।” ইয়াৰ উপৰি NIA ই ৰাষ্ট্ৰ বিৰোধী কাম কাজত জড়িত থকা বুলি অভিযোগনামা দাখিল কৰাত ব্যৰ্থ হোৱা বুলি পত্ৰত শইকীয়াই উল্লেখ কৰে।

Leave a Reply

Your email address will not be published. Required fields are marked *