বিচিচিআইৰ উপাধ্যক্ষ পদ এৰিলে মহীম বাৰ্মাই

ডিজিটেল ডেস্ক, বিতৰ্ক, ১৫ এপ্ৰিল, শিৱসাগৰ :: বিচিচিআইৰ সংবিধান অনুসৰি এজন ব্যক্তিয়ে এটা পদতহে অধিষ্ঠিত হৈ থাকিব পাৰে। সেয়ে উত্তৰাখণ্ড ক্ৰিকেট ব’ৰ্ডৰ সচিব পদত অধিষ্ঠিত হোৱা বাবে বিচিচিআইৰ উপাধ্যক্ষ পদ ত্যাগ কৰিলে মহীম বাৰ্মাই। বাৰ্মাৰ পদত্যাগ সন্দৰ্ভত বিচিচিআইয়ে মুম্বাইস্থিত মুখ্য কাৰ্যালয়ৰ কাম-কাজ পুনৰ আৰম্ভ হোৱাৰ পিছতহে সিদ্ধান্ত ল’ব বুলি জানিব পৰা গৈছে।

মহীম বাৰ্মাই কয়, ‍‘এই পৰ্যন্ত ভালদৰে পৰিচালনা হৈ নথকা মই আমাৰ ৰাজ্যৰ ব‍’ৰ্ডৰ কাম কাজো চাব লাগিব। মই চি ই অ’ ৰাহুল জোহৰিক পদত্যাগ পত্ৰ প্ৰদান কৰিছো। মোৰ বিশ্বাস আছে যে মোৰ পদত্যাগ গ্ৰহণ কৰিব’। তেওঁ লগতে কয়, ‍‘মই ব’ৰ্ড সচিব জয় শ্বাহক আগতেই কৈছিলো। যদি মই প্ৰদেশ ব’ৰ্ডৰ দায়িত্ব গ্ৰহণ নকৰো তেন্তে তাৰ কাম-কাজবোৰ সূচাৰুৰূপে নচলিব। সেইকাৰণেই মই নিৰ্বাচন খেলিছিলো’।

Leave a Reply

Your email address will not be published. Required fields are marked *