ৰাজ্যৰ বাহিৰত থকা অসমৰ লোকসকল নিৰাপদে থাকিবঃ মূখ্যমন্ত্ৰী সোণোৱাল

ডিজিটেল ডেস্ক, বিতৰ্ক, ৩০ মাৰ্চ, গুৱাহাটী :: আজি মূখ্যমন্ত্ৰী সৰ্বানন্দ সোণোৱালে বঙাইগাঁওত সংবাদ মাধ্যমক সম্বোধন কৰি ৰাজ্যৰ চিকিৎসক, সংবাদকৰ্মীৰ লগতে দিনে নিশাই ক’ৰ’না ভাইৰাছৰ বিৰুদ্ধে কাম কৰি থকা অন্য স্বাস্থ্য কৰ্মীসকলক ধন্যবাদ জনোৱাৰ লগতে মূখ্যমন্ত্ৰীগৰাকীয়ে ৰাজ্যৰ বাহিৰত আৱদ্ধ হৈ থকা অসমৰ লোকসকল সুৰক্ষিত তথা নিৰাপদে থাকিব বুলি আশ্বাস প্ৰদান কৰে। মূখ্যমন্ত্ৰীগৰাকীয়ে লগতে সেই লোকসকলৰ সুৰক্ষাৰ ক্ষেত্ৰত ৰাজ্য চৰকাৰে প্ৰয়োজনীয় ব্যৱস্থা গ্ৰহণ কৰা বুলিও জনায়।

দেশৰ বিভিন্ন প্ৰান্তত আৱদ্ধ হৈ থকা অসমৰ লোকসকলৰ সুৰক্ষাৰ ক্ষেত্ৰত সকলো ধৰণৰ ব্যৱস্থা লোৱাৰ বাবে মূখ্যমন্ত্ৰী সমূহলৈ পত্ৰ প্ৰেৰণ কৰা বুলিও জানিবলৈ দিয়ে সোণোৱালে। ইয়াৰ উপৰি মুখ্য মন্ত্ৰীগৰাকীয়ে ক’ৰ’না ভাইৰাছ সম্পৰ্কে কোনো ধৰণৰ উৰা বাতৰিত বিশ্বাস আৰু শংকিত নহ’বলৈ আহ্বান জনায়। উল্লেখ্য যে আজি মুখ্য মন্ত্ৰী সৰ্বানন্দ সোণোৱালে ক’ৰ’না ভাইৰাছ সংক্ৰমণ প্ৰতিৰোধৰ বাবে লোৱা ব্যৱস্থ্যাৱলী পৰ্যবেক্ষণ কৰাৰ উদ্দেশ্য্যেৰে বঙাইগাঁও অসামৰিক চিকিৎসালয় আৰু বৰপেটাৰ ফকৰুদ্দিন আলী আহমেদ চিকিৎসা মহাবিদ্যালয় হাস্পতাল পৰিদৰ্শন কৰে।

Leave a Reply

Your email address will not be published. Required fields are marked *